DAVAO DE ORO- Moabot sa kapin 700 ka mga mag-uuma ug mananagat ang nakadawat og managlahing agricultural intervention programs gikan sa Department of Agriculture sa probinsya sa Davao de Oro, kagahapong adlawa.
Gipangunahan ang maong pang-apod-apod og kagamitan ni Governor Dorothy “Dotdot” Gonzaga ngadto sa 739 ka mga mag-uuma ug mananagat sa nagkadaiyang sinako nga abuno alang sa humay ug mais.
Gawas niini, aduna sab 1,600 ka mga sako sa hybrid corn ug 800 ka mga bags sa complete fertilizer ang gipang-apod-apod ngadto sa farmers associations.
Samtang mokabot sab sa P3.5 milyones ang mga materyales alang s akagamitang pandagat ang nahatag ngadto sa mga mananagat sa lungsod sa Pantukan, Mabini, ug Maco.
Gumikan niini, nagpaabot og dakong pasalamat ang mga nahisgutan sanglit ang ilang mga nadawatan sa pagpadyaon sa maayong ani ug mapalambo pa ang ilang mga tinanom.
Kabahin niini, gipasalig ni Governor Gonzaga ang padayong paghatod og serbisyo sa mga mag-uuma ug mananagatan hilabi pa sa sektor sa agrikultura.
