DAVAO ORIENTAL- Gipasalig sa gobernador sa Davao Oriental nga nagpabiling maayo ug lig-on ang kahimtang sa probinsya karong panahona.
Kini ang gikanayon ni Governor Niño Uy atol sa iyang unang state of the province address kaniadtong nakalabayng adlaw dungan sa selebrasyon sa ika 157 Founding Anniversary sa probinsya.
Sumala pa sa opisyal nga daghanang mga proyekto ug aktibidad ang ilang natanyag alang sa mga residente diin gipasundayag niini ang kadaugan sa iyang administrasyon sa nagkadaiyang aspeto.
Kalakip sa gitagaan niini og pagtagad mao ang social services, infrastructure, education, healthcare, institutional development, diaster response, environmental protection, ug agriculture and emplyment facilitation.
Alayon niini, nagpaabot og pasalamat ang opsiyal sa suporta nga gihatag sa katawhan hilabi na sa mga empleyado sa Kapitolyo alang sa ilang mga pagpaningkamot ug kakugi sa laraw nga mapaduol ang gobyerno ngadto sa katawhan.
Sa pikas bahin, gibalita sa gobernador nga nga aduna nay pondo nga gibubo ang national government para sa pag-revive sa Mati Airport, ang pagsugod sa 50-megawatt solar power generation plant sa banaybanay, ug ang mukabat sa sobra 800 million pesos na budget para sa pagpasemento ug pag-improve sa mga farm to market roads sa probinsya ubos sa Philippine Rural Development Project katambayayong ang national government ug World Bank.
Alayon niini, gipasalig sa opisyal ang pagpadayon sa ilang trabaho isip mga gipili nga official aron sa pagtubag ug pagtabang sa mga nag-unang panginahanglan sa nahisgutang probinsya.
