Gisentensiyahan og 45 ka tuig nga pagkabilanggo ang kanhi Presidente sa Honduras nga si Juan Orlando Hernandez.
Kini tungod sa iyang kaso sa pagpamaligya og druga diin gipabayad usab siya og $8 million nga multa.
Niadtong Marso, si Hernandez nahukman sa mga hurado sa New York nga sad-an sa tulo ka mga kaso sa pagpamaligya ug droga pagkahuman sa duha ka semana nga trial sa court federal sa Manhattan.
Gi-extradite siya gikan sa Honduras niadtong 2022 human nasang-at ang tulo ka mga kaso sa pagpamaligya sa droga ug mga armas sa Departament of Justice sa US.
Giakusahan pa sa piskal ang 55-anyos nga si Hernandez nga nakigkunsabo sa mga drug cartel diin nagdala sila og 400 ka tonelada nga cocaine gikan sa Honduras ngadto sa US.
Hugtanong gipanghimakak sa kanhi presidente ang tanang pasangil batuk kaniya ug niingon nga kini bakak ug hinimo-himo lamang.
