Giduso ni Senador Sherwin Gatchalian ang resolusyon SRN 1053 arun imbistigahan sa Senado ang pag-abuso sa late registration of birth aron adunay mga langyaw sa nasud nga makakuha og birth certificates.
Gitataw sa senador nga pinaagi sa late registration of birth, makakuha og birth certificate ang mga langyaw, unya makakuha og Philippine passport ug pinaagi niini makadeklarar sila nga Filipino.
Ang reporma nga gustong ipasiugda sa senador naglakip sa personal nga testimonya sa mga midwife ug manghihilot nga magpa-anak na mohikay og late registration.
Hinungdan nga kinahanglan nga mohatag og deed of registration ang mga tambalanan diin natawo ang aplikante.
Sa samang higayon, nanawagan si Gatchalian sa Philippine Statistics Authority (PSA) nga imbestigahan pa ang mga sindikato sulod sa civil registrars nga nagtugot sa ilang mga proseso nga maabuso ug maka-isyu og peke nga birth certificates.
