DAVAO DEL NORTE- Mitingog na si Davao del Norte Governor Edwin Jubahib kalabot sa paglugway sa Office of the President og lain pang 30-days Preventive Suspension batok kaniya.
Sumala pa ni Suspender Governor Jubahib nga wala na kini lain pang mabuhat apan dawaton na lamang ang gipahamtang kaniya nga bag-ong suspension order.
Kahinumdumang mismong si Executive Secretary Lucas Bersamin ang mipirma sa maong kamanduan nga pagsuspinde sa maong opisyal diin mgipagawas kini niadtong Hunyo 9, 2024 apan aduna kini petsa nga Hunyo 4, 2024.
Si Governor Jubahib ang bag-uhay lamang natapos sa 60-days preventive suspension order nga una ng gisilbi kaniya niadtong bulan sa Abril 2024 tungod sa gipasakang kaso kaniya ni Davao del Norte 2nd District Board Member Orly Amit.
Samtang ang bag-ong suspension order nga ginaka-atubang karon ni Jubahib mao ang adunay kalabutan sa reklamo sa pagsuporta niini sa Rally batok sa Northern Electric Cooperative (NORDECO) nga gipasaka nila Diahne Czari L. Semic, Roy C. Baco, Director Ernido Malone ug uban pang mga indibidual.
Ning kasamtangan ang maong gobernador ang nagpabiling kalmado ug determinado ug magpadayon kini sa pagbarog sa kamatuuran uban ang katawhan sa Davao del Norte.
Sa pagkakaron nagpabilin pa gihapon si Jubahib sa Tahanan ng Gobernador,uban ang mga IP supporters nga wala gayud mobiya sukad sa unang adlaw sa kamanduan.
Matud pa ni Jubahib nga mobalik na kini sa paglihok sa mga legal nga butang aron pagawas niini ang iyahang bahin kalabot sa maong kamanduan.
via //DMA
