Nisaad karon si Pang. Ferdinand Marcos Jr. nga mahatagan ug pagtagad ang isyu sa mga pagbaha sa rehiyon karon dayon.
Atol sa iyahang paghatag ug mensahe atubangan sa mga opisyal ug katawhan sa tibuok rehiyon alang sa gipahigayon nga Distribution of Presidential Assistance to Farmers, Fisherfolk, and Families, sa Davao Del Norte Sports Complex sa Tagum City, gi-anunsyo sa Pangulo nga ang gobyerno aduna na’y plano alang sa comprehensive flood management system.
Gilauman niini nga tungod sa mga proyekto wala na’y mga Pilipino ang maapektuhan sa baha ilabi na dinhi sa rehiyon.
Tungod niini gimanduan karon ang Department of Public Works and Highways (DPWH) eleven nga paspasan ang flood control project sa rehiyon.
Kini nga inisyatiba ang giluwatan sa Pangulo tungod sa nahitabong halapad nga mga pagbaha sa tibuok rehiyon onsi sa unang bahin karong tuiga, tungod sa low-pressure area ug shear line diin adunay libuan ka mga residente ang apektado sa baha ug pipila ka mga kabtangan ug imprastaraktura ang nadanyos.
Samtang pipila usab ka mga kinabuhi ang nakalas gumikan sa pagdahili sa yuta, pagbaha tungod sa walay undang nga mga pag-ulan.
Gipaklaro sab ni Marcos sa atol Bagong Pilipinas Caravan niini, nga ang flood control project nga pagatukuron lahi sumala pa ang desinyo niini nga dili lamang ala sa flood control, nagatigom sumala pa kini ug tubig alang sa irigasyon, alang sa fresh water supply sa tanang household ug butangan sab kini ug solar aron nga adunay makuha nga kuryente nga libre gikan sa adlaw.
Gawas sa flood control project, gitahasan sa ang DPWH sa Pangulo nga kompletuhon na ang ubang mga nakaung-ong-ong nga mga proyekto sa rehiyon.
Kini ang gilangkuban sa Mawab-Maragusan-Caraga Road, Carmen-Tagum City Coastal Road, ug Mindanao Railway Project nga gikan sa Tagum padulong Digos,ug uban pa.
Samtang nang-apud-apud sab ang pangulo ug Ten million pesos nga kantidad sa matag probinsya isip ayuda, ug mga kagamitan sa pagpanguma ingon man mga bangka alang sa mga mananagat.
