-- ADVERTISEMENT --
DAVAO CITY – Gitupok sa dagkong kalayo ang usa ka bodega lakip na parte sa usa ka multicab ug motorsiklo sa Purok 1, Brgy. Tamayong, Calinan District, ning syudad, kagahapon sa hapon.
Subay sa imbestigasyon sa Calinan Police Station kauban ang Calinan Fire Station, bandang ala-1:30 sa hapon dihang nasunog ang maong gambalay nga gipanag-iyahan sa usa ka Hilda Maras.
Naglantaw lamang kini sa iyang bodega dihang napalgan sa tag-iya ang nasunog nga bahin nga sa wala magdugay, nagkadako kini ug nidaob na sa iyang propriyedad.
Paspas nga mikalanit ang kalayo sa maong bodega tungod gama kini sa light materials. Gibana-bana sa mga kabumberohan ang danyos sa nahitabong pag-ulbo sa kalayo.
via || Bombo LJF
-- ADVERTISEMENT --
