DAVAO CITY – Napatay sa mga otoridad ang usa ka lalaking pusher human kini nanlaban atol sa usa ka buybust operation sa Purok 7-B, Brgy. Bangkas, Toril, Davao City ning nilabayng gabii.
Target sa maong operasyon ang usa ka Alnazer Baguinda Camsi alyas Camsi, 36 anyos, residente sa nasangpit nga dapit.
Kumpirmadong napalit sa suspek ang kapin kulang 1.21 gramos sa gituohang shabu.
Sa dihang dakpon na, mibunot sa iyang kalibre .38 nga pistola ang suspek ug nakipagbuthanay kini sa mga pulis.
Apan, naunhan kini og igo sa mga otoridad hinungdan sa iyang kamatayon pagdala sa ospital.
Nakuha gikan kang alyas Camsi ang pusil ug managlahing bala, lakip na ang mga gidudahang shabu nga mokantidad sa P60,320.
Gipahiluna na sa usa ka punerarya ang patayng lawas sa suspek.
