DAVAO CITY – Nahimong malinawon sa kinatibuk-an ang pagsaulog sa Pasko sa mga Dabawenyo karong tuiga.
Sumala sa tigpamaba sa Davao City Police Office nga si PMaj. Catherine Dela Rey, nagmalinawon ang pasko fiesta sa syudad.
Ingon man nga hapsay usab ang gipahigayong gift-giving sa Pamilyang Duterte ngadto sa ilang Ancestral house sa Taal, Bangkal, Davao city.
Nasayran nga dunay unattended bag nga gireport ngadto kanila ug gilayon gi aksyonan sa kapulisan kagahapon.
Sigon ni Dela Rey, pamatuod lamang kini nga nahimatngon ang katawhan sa pagpatuman sa Culture of Security dinhi sa syudad, nga kon “May makita dapat magsalita.”
Sa katibuk-an, malipayon ang kapulisan sanglit wala sila’y natala nga untoward incidents sulod sa nuebe ka adlaw nga Misa De Gallo latas sa 41 ka simbahan dinhi sa Dakabayan sa dabaw.
Mipadayag usab og pasalamat si City Director Alberto Lupaz Jr. ngadto sa tanang security cluster ug sa mga Dabawenyo gumikan sa ilang kooperasyon aron mapabiling hapsay ug malinawon ang pagsaulog sa Pasko 2022 dinhi sa dakbayan.
