DAVAO CITY – Gipahingusgan karon sa Davao City Agriculturist Office nga palapdan ang pagpananom ug mga organic nga produkto alang sa merkado pinaagi sa Organic Agriculture Program.
Gikanayon ni Senior Agriculturist and Focal Person Jeana Ablen, laraw karon sa dakbayan nga lugwayan ang kapasidad sa mga mag-uuma sa pagpananum ug mga organic nga produkto pinaagi sa ginatanyag nga mga assistance ug incentives alang kanla pinaagi sa Ordinance No. 0384-10 or the Organic Agriculture Ordinance of 2009.
Dugang pa ni Ablen, makadawat ug mga susamang training ang mga mag-uuma aron mapakusgan pa ang produksyon sa mga organic prouducts.
Pahingusgan pa sa lokal nga panggamhanan ang organic farming isip usa ka pamaagi sa pagpatubo ug pagkaon nga layo sa mga kemikal sama sa pestisidyo nga maghatud ug mga sakit ug uban pang balatian sa lawas. Sanglit, gamitan kini ug mga natural nga pampatubo.
Mas maayo sab ang organic farming sa kinaiyahan tungod ma-aghat sab niini ang katawhan nga mananom og prutas ug gulay o magbuhi ug hayop.
Ginaawhag sab nga suportahan sa mga Dabawenyo ang mga organically produced products.
Nanghinaot sab ang buhatan nga masertipikahan ang lima ka mga organic farmers sa Participatory Guarantee System Davao’s Core Team sa Bureau of Agriculture and Fisheries Standards sa Pebrero, sunod tuig.
Kon maaprubahan, sila ang mamahimong certifying body sa tanang mga organic farmers sa Davao City.
via || Bombo LJ Florendo
