DAVAO CITY – Nahimong dagkong hangit alang sa mga cacao growers diri sa Davao City ang produksyon sa cacao gumikan sa climate change.
Pagbutyag sa tag-iya sa Puentespina Farms nga si Charita Puentespina, naulahi ug bulan ang mga peak seasons nga kasagarang matunong kada Nobyembre, Disyembre ug Enero, una pa muabot ang low season gikan Mayo hangtud Hulyo.
Matud pa nawala kini sa tukmang pasi ug karong nagsabay na ang pagharvest ug pagpamuwak sa ubang mga punoan sa kakao.
Nagbaton sab ug kabag-uhan ang programa o schedule sa pagpatubo niini, ug apektado sab ang mga bulak sa kakao gumikan sa sagunsong pag-uwan.
Magpahigayon karong bulan ang Philippine Cacao Industry Assocation ug usa ka congress aron hisgutan ang mga pamaagi sa pagpatubo ug kakao diin salmutan sab kini sa mga cacao farmers sulod ug gawas sa Davao City.
Kahinumdumang gideklara ang dakbayan isip Chocolate Capital of the Philippines ug nahimong ilado ang produktong tsokolate gikan sa Malagos isip world’s best tasting chocolate.
via || Bombo LJ Florendo
