DAVAO CITY- Ginalauman nga mapagawas na karon o sunod semana ang sumbanan nga pagatumanon karong umaabot nga kalag-kalag.
Bisan pa man nga nagpagawas na og inisyal nga pahibalo ang Davao City Police Office (DCPO) niadtong milabay nga semana, gikinahanglan gihapon nga mahibal-an ilabi na sa mga mubisita sa ilang kabanay nga minatay og unsa ang mga angay og di angay pangdalaon.
Gikumpirma usab ni Davao City Information Officer Harvy James Lanticse nga mamahimo na nga makabisita sa mga minahal karong tuiga mahitungod gipaubos na usab ang alert level sa siyudad.
Sa pagkakaron, ginahulat na lamang sa lokal nga kagamhanan ang mga espisipikong pagadalaon samtang ginahulat na lamang sa kasamtangan nga ma-aprubahan ang maong sumbanan.
VIA|| Danica Baguio
