DAVAO CITY – Nasuta ni FIFA Commissioner David Dwight Penano ag pipila ka mga basehan sa nahitabong trahedya atol sa football match sa nasud Indonesia nga gikamatyan sa kapin syento ochenta ka mga tawo.
Usa sa gibutyag ni Penano nga ang tendensiya sa mga football fans nga makahimo ug dili maayong pamatasan sa natad sa pagsuporta sa ilang team.
Kahinumduman nga gikasuk-an sa mga fans sa Arema FC ang ilang labing unang kapildihan tali Persebaya Surabaya nga naghinungdan ug mas dakong kagubot.
Dugang sab sa opsyal nga kinahanglan sab bag-uhon ang nahimong istratehiya ug lakang panseguridad alang na sab sa kaluwasan sa mga nanan-away sulod ug gawas sa venue.
Namatikdan sab ang daw dili makatawo nga pagtrato sa mga nirespondeng pulis atol sa maong kagubot.
Gikabalaka man sa pipila ka mga football fans ang nahitabong kagubot sa Indonesia, gikanayon ni Penano nga dili maapektuhan ang ginahimong pagpangandam sa ginaatngang FIFA World Cup nga ipahigayon sa nasug Qatar sa musunod nga bulan.
Matud pa sa opisyal, mas sistematiko ug organisado ang pagdumala niini gikan sa paghan-ay sa venue, security measures ug crowd management.
via || Bombo LJ Florendo
