DAVAO CITY – Duha ka semana human ang May 9 elections, ubos nga Covid-19 positivity rate ang mipatigbabaw sa dakbayan sa dabaw uban sa average rate nga 0.53 percent gikan May 8 hangtud May 21, 2022.
Kini ang gawas pa sa padayon nga pagpa-ilalom lamang gihapon sa dakbayan sa dabaw Minimal Risk classification sulod na sa lima ka semana.
Kalabot niini, walay nakitang mga timailhan si Mayor Inday Sara Duterte nga adunay mahitabong surge sa Covid-19 sa kasamtangan human ang May elections. Subay sa Covid-19 Task Force data, gikatala sa Davao City ang average daily positivity rate nga 0.53 percent gikan May 8 – 21 nga misakop usab sa May 9 Election Day diin daghang mga tawo ang nagtapok sa mga polling places.
Subay sa datos sa Davao city Covid 19 task force, gikan May 23 – 28, 2022 ang Minimal risk status sa dakbayan ang gilambigit sa -19.35 o “low” two-week growth rate ug 0.09 o “low” Average Daily Attack Rate. Karong semanaha, walay critical ug high risk barangays.
Tanang 180 ka mga barangay ang ilalom na karon sa minimal risk samtang duha usab ka mga barangay nga mao ang Bucana ug Matina crossing ang gi-categorized ilalom sa low risk diin gikatala ang 3 ka kaso sa Bucana ug 2 ka kaso usab sa Matina crossing sulod sa nakalabay nga 1 – 2 ka mga semana.
Kung ugaling masinatian ang surge sa covid 19, gikanayon ni Mayor Inday Sara nga ipatuman lang gihapon sa syudad ang susamang mga lakang, gawas lamang sa mga pasilidad nga paga-gamiton nga iya na lamang sa gobyerno.
