DAVAO CITY – Walay pu-as ang pahimangno sa lokal nga kagamhanan ngadto sa katawhan nga likayan ang pagsuroy-suroy sa mga lugar sa dakbayan nga padayong nakatala ug kaso sa Covid-19 bisan pa man nga lu-ag na karon ang pipila ka mga restrictions.
Subay sa ulahing Barangay Classification sa kagamhanan, usa ka barangay ning siyudad ang nabutang sa moderate risk sa Covid-19 cases samtang upat ang anaa sa low risk.
Kalakip sa listahan sa Moderate Risk Category ang barangay Matina Aplaya.
Samtang anaa sa upat ka mga barangay ang anaa sa Low Risk Category nga gilangkuban sa barangay 2-A, Cabantian, Matina Pangi ug Tugbok Proper.
Kalakip sab sa listahan sa Department of Health Davao Region ang 85 ka mga nagpositibo sa Covid-19 sa tibuok rehiyon onse.
Subli sab nga nanawagan ang Department of Health nga kinahanglan batasanon pa gihapon ang pagtamud sa minimum health protocols ilabi na ang pagsuot ug facemask panahon nga muadto sa mga lugar nga sagad dagsaon sa mga tawo.
