DAVAO CITY – Gipahinumduman karon sa DILG ang mga barangay officials nga likayan ang pagsalmot sa mga kalihukan sa mga politiko nga magpapili sa taliabot nga eleksiyon sa bulan sa Mayo.
Gikanayon ni Atty Bernmarie Gentiles, Legal service chief sa DILG 11, hugot nga gidid-an ang mga opisyal sa barangay nga malambigit sa partisan activities o elelctioneering, lakip na dinhi ang pagpangampanya, pagpangayo ug suporta o kaha boto alang sa usaka kandidato.
Sumala ni Atty Gentiles nga ang mga barangay officials nga mapamatud-ang nakalapas niini ang pahamtangan ug multa ug pagkabalhug sa prisuhan.
Hinuon, nasabtan sumala pa kini sa mga barangay officials sa dakbayan ug andam usab sumala pa silang motuman sa nahisgutang kamanduan.
Gawas sa mga barangay officials lakip usab sa gidid-an nga mosalmot sa partisan political activities ang mga empleyado sa gobyerno lakip na ang mga sakop sa PNP ug AFP.
Gipagawas sa DILG ang pahinumduman subay sa opisyal nang pagsugod sa campaign period sa mga lokal nga kandidato kagahapong adlawa.
Kahinumduman nga gisugdan sa mga barangay kapitan sa dakbayan sa dabaw ang ilang caravan lukop nasud pilipinas isip suporta kang mayor Inday Sara niadtong milabay nga tuig.
