DAVAO CITY – Hangtud karun, gihulat pa gihapon sa Davao City Covid-19 Task Force ang guidelines alang sa paggamit sa CoronaVac-Sinovac vaccine alang sa mga minor de edad.
Sumala pa kang Davao City Covid-19 Spokesperson Dr. Michelle Schlosser, kinahanglan nga aduna silay back up nga guidelines arun masayud sila kung unsaon nila pagdumala sa higayon nga adunay nahitabo.
Kinahanglan sab sumala pa nga hulaton ug siguruhon una nga luwas kini sa mga recipients hinungdan nga mahinungdanon gayud nga anaa ang official guidelines gikan sa DOH ug uban pang mga concerned government agencies.
Gikanayong ang Chinese-made CoronaVac-Sinovac vaccine batok Covid-19 ang gi-aprubahan alang sa emergency use authorization (EUA) arun nga magamit sa pediatric population nga nag-edad ug six years old pataas.
Subli nga gibutyag ni Schlosser nga ang lokal nga kagamhanan adunay bastante nga supply sa BioNTech-Pfizer vaccine nga gigamit karon sa mga kabataan.
Nasayran nga ang bugtong ang Pfizer ug Moderna vaccines pa lamang ang adunay EUA alang sa mga minor de edad.
Samtang kadtong mga bakuna nga hapit na nga ma-expire ang ihatag gilayon sa mga nagkadaiyang komunidad arfun malikayan nga dili kini mausik.
Hinuon wala pa gibutyag kung pila ka mga bakuna ang wala nagamit apan dili sumala pa malikayan nga adunay masayang ilabi na karun nga nagpabiling low turnout ang booster dose vaccine rollout sa dakbayan.
