DAVAO CITY – Mokapin sa usaka libo ka mga basura ang nahipos usaka grupo sa mga environmentalist ug mga volunteers atol sa gipahigayong clean up drive sa Panigan-Tamugan watershed ning dakbayan.
Ang nahisgutang mga basura ang gilankguban sa mga PET bottles, sando bags, diapers, plastic nga kutsara ug tinidor, mga sachet ug uabn pang mga plastic wastes.
Gipasiugdahan ang maong clean up drive sa Interfacing Development Interventions for Sustainability (IDIS), kauban ang Bantay Bukid ug mga youth volunteers gikan sa Casuga Integrated School sa Waste and Brand Audit.
Gikabalaka usab sa nahisgutang grupo ang mga nahipos niiniing daghanang mga facemask ug mga face shield nga gipanglabay lamang sa sapa.
Gumikan niini, subling nanawagan ang IDIS sa lokal nga kagamhanan mohimo nna Implementing Rules and Regulation alang sa ordinansa nga nadili sa Single-used plastic sa syudad aron makunhuran ang produksyon sa plastic wastes.
Angayan usab nga ampingan ang Tamugan river nga kabahin sa Panikgan-Tamugan watershed gumikan kay dili lamang kini naka-apekto sa river ecosystem kung dili lakip na sa marine ecosystem sa syudad.
