DAVAO CITY – Laoman nga magsugod na sa ilang serbisyo ang bagong “player” alang sa rota nga Davao-General Santos-Bitung roll-on, roll-off (RORO).
Sumala pa kang Undersecretary Romeo M. Montenegro, executive director sa coordinating agency sa Mindanao Development Authority (MinDA), nga gikatakda sumala pa nga magpagula ug public announcement ang shipping company nga manguna sa maong biyahe.
Gikanayon ni Montenegro nga laraw sa bag-ong player nga mahatud dayon ang mga gikinahanglan sa merkado ug regular mga maka-serbisyo.
Kahinumduman nga sa kasamtangan, nag-atubang ug dakung hagit ang nahisgutan nga rota gumikan sa kawad-on ug RORO sukad nga subli kini nga gi-ablihan kaniadtong Abril 30, 2017 nila ni Pangulong Rodrigo Duterte ug Indonesian President Joko Widodo nga maoy nanguna sa event diin gihimo kini aron nga mapalig-on sumala pa ang trade tali sa duruha ka nasod.
Atol sa paglusad niini kaniadto, gigamit ang 500-TEU M/V Super Shuttle RORO 12 sa Philippine company Asian Marine Transport Corp. apan wala kini nagpadayon gumikan sa kawad-on ug demand.
Hinuon nagpadayon matud pa karon ang Davao-Gensan-Bitung route apan sa special chartered basis lamang.
Pipila sumala pa sa mga shipping players nga gikosidera karon ang gilangkuban sa Reefer Express Lines, usa ka Filipino-owned company nga una ng gi-deploy aron nga serbisyohan ang rota sa BIMP-EAGA (Brunei Darussalam–Indonesia–Malaysia–Philippines East ASEAN Growth Area).
