DAVAO CITY – Gikumpirma sa Police regional office 11 nga aduna nay pipila ka mga politiko ang nahatagan ug police escorts.
Gikanayon ni Police Major Eudisan Gultiano, ang spokesperson sa PRO 11, pipila na ka mga application ang nadawat sa ilang buhatan gikan sa mga politiko nga nangayo ug police escorts alang sa ipahigayon niining pagpangampanya.
Dugang pa ni Gultiano, ang paghatag ug police escorts ngadto sa usaka kandidato ang mag-agad sa mamahimong approval sa buhatan sa Commission on elections.
Ilalom sa Alunan Doctrine, gitugutan lamang ang mga kandidato nga magbaton nug maximum nga duha ka mga police escorts.
Dugang pa ni Gultiano nga ang mga kandidato nga buot magbaton ug police protection ang kinahanglan nga mofile ug application sa Comelec diin ipahigayon sumala pa ang usaka estrikto ug makuting proseso ug sayron kung nagbaton ba kini nga seryoso nga hulga sa kinabuhi.
Sa pikas bahin, gibutyag usab ni Gultiano nga moabot na sa 32 ka mga violation sa comelec gun ban ang ilang gikatala latas sa region 11.
Ang nahisgutang ihap ang naggikan sa nagkadaiyang mga police operations nga gilusdad sa kapulisan smaa sa drug buy bust operations ug sa gipahimutang nga mga checkpoints.
Moabot usab sa 33 ka mga tawo ang nadakpan, 45 ka mga nagkadaiyang matang sa armas ang nakompiska ug 4 ka mga deadly weapons.
Dugang pa ni Gultiano, kapin sat res mil ka mga checkpoints na ang gipahimutang sa tibuok davao region.
