DAVAO CITY – Gikanayon ni Police Col. Kirby John Kraft, director sa Davao City Police Office (DCPO) nga hayan nga mapasakahan ug kaso kung mapamatud-an ang pipila ka mga opisyal ug indibidwal sa Daniel R. Aguinaldo National High School (DRANHS) nga nakalapas sa gipagulang Executive order 31 sa lokal nga kagamhanan nga hugtanong nagdili sa pagtapok-tapok.
Tipik lamang kini human nga usa ka magtutudlo ang nagpadangat sa iyang reklamo gumikan kay walay aksiyon ang tulonghaan sa mga magtutudlo nga nagpositibo sa Covid-19 inay nakahimo pa ang pipila ka mga dagkong opisyal kalakip na ang principal sa maong tulonghaan nga magpahigayon ug retirement honor bisan nga gipailalom na ang tulonghaan sa lockdown.
Kahinumduman nga nakadawat ug daghanang pagsaway ang gihimo sa pipila ka mga opisyal sa tulonghaan gumikan kay inay magsilbi ang mga nahisgutan nga ehemplo sa uban, nahimo pa hinuon kini nga buluyagon sa katilingban.
