DAVAO CITY – Hingpit na nga napasakahan ug kaso ang usa ka inahan kinsa una ng nadakpan sa kapulisan human nga gibaligya niini ang iyang anak pinaagi sa online.
Una ng naglusad ug operasyon ang mga sakop sa Tagum PNP human nga nakadawat ug report kalabot sa usa ka babaye nga nag-post sa Tagum City Business Shop Online nga namaligya kini ug bata nga kantidad sa P200,000.
Una ng gibutyag ni Police Major Joselito Tan Jr., ang OIC sa Tagum City PNP, nga migamit pa ang suspetsado ug dummy account nga Bateri Emteh.
Malampuson sumala pa nga naluwas sa kapulisan ang bata kinsa gi-endorso sa ahensiya sa City Social Welfare and Development Office sa Tagum City. Ayha gilusad ang operasyon, nagpaka-aron ingnon ang mga sakop sa kapulisan nga interasado kining mopalit sa bata hinungdan nga nagpadala kini ug mensahe sa suspek.
Malampason ang nadakpan ang babaye sa gilusad nga entrapment operation kinsa nag-atubang na karon ug kasong kalapasan sa Republic Act (RA) No. 10364 kun Anti Trafficking in Person ingon man kalapasan sa Republic Act (RA) No. 7610 kun Special Protection of Child Against Abuse, Exploitation and Discrimination Act.
