DAVAO CITY – Giimbestigahan na karon sa lalawigan sa Mati City ang gikanayong pipila ka mga opisyal sa Barangay nga gikanayong nakalapas sa standard health protocols human kini nagpahigayon ug motorcade isip kabahin sa Barangay Dahican fiesta celebration sa milabay nga adlaw.
Una ng gi-angkon ni Dahican Village Chief Nestor Escasinas, nga ang nahisgutan nga aktibidad kabahin sa ilang pagsaulog sa Araw ng Barangay Dahican apan limitado lamang ang ilang giimbitahan sa motorcade nga gilangkuban sa mga barangay functionaries ug Sangguniang Kabataan officials.
Gani aduna sumala pa silay gi-andam nga aktibidad sama sa banca racing ug cycling event apan ila kining gikansela human nga nagpagula ug pahayag ang Mati Incident Management Team (IMT) nga kanselahon ang cycling event nga Tour de Mati Theo Cup kagahapong adlawa gumikan sa Covid-19 clusterings sa siyudad sa milabay’ng duruha ka semana.
