DAVAO CITY – Gipakusgan pa sa mga kabomberohan sa syudad ang ilang kompanya kabahin sa paglikay sa sunog.
Gumikan bag-o pa lamang misulod ang tuig 2021, pipila na sab ang natalang nahitabong sunog sa dakbayan sa dabaw.
Base sa datus nga gipagula sa Davao City Fire District, sugod bulan sa Enero hangtod Pebrero 10, 2021 mikabat na sa 32 ang natalang sunog sa syudad, sa maong ihap 13 niini ang residential areas.
Gawas niini, mikabat sab sa 41,935,000 ang natalang damyos samtang 4 ang natalang nakabsan sa kinabuhi.
Apan mas-usbaw sumala pa ang ihap sa natalang sunog karong tuiga kung itandi kaniadtong 2020 diin sa sulod sa bulan sa Enero-Pebrero 2020 anaa sa 99 ang ihap ang natalang sunog samtang 32 lamang ang ihap karong tuiga sa susamang panahon.
Gibutyag ni SFO4 Ramil Gillado nga sagad sumala pa sa nasutang hinungdan sa sunog dunay kalabutan sa kuryente.
Dugang sa opisyal gumikan niini mas gipakusgan pa sa kabomberohan ang ilang kampanya kabahin sa information dissemination aron sa paglikay sunog.
Nagpahimangno sab si Gillado sa publiko nga batasanon ang pagtangtang sa mga nakasaksak nga appliances kung wala na kini gigamit ingon man kinahanglan sab nga regular nga ipatan-aw sang electrical wirings sa panimalay ug siguradohon nga dili kini makab-ot sa mga bata ang posporo o lighters.
