DAVAO CITY – Gumikan kay Mayorya sa mga estudyante ang nagtuon karon sa mga pinuy-anan isip kabahin sa blended learning system, gisugyot karon sa usa ka konsehal ang pagpahamtang ug multa nga P5,000 o pagkabilanggo isip maximum offense ilalom sa sugyot nga nagdili sa daytime private videoke ug karaokes sulod sa residential areas.
Mismong si Konsehal Jessica Bonguyan ang miduso sa proposed ordinance isip kabahin sa sumbanan sa siyudad aron nga matabangan ang mga estudyante nga maka-concentrate sa ilang klase pinaagi sa online, printed module, radio o TV-based instructional learning.
Gitataw sab ni Bonguyan, committee chairperson sa information technology, nga ang kasamtangan nga blended learning approach sa educational system sa nasod ang nagpabilin pa gihapon nga hagit gumikan sa Covid-19.
Giduso sa nahisgutan ang maong sugyot human nga daghanang mga ginikanan, magtutudlo ug estudyante ang mireklamo sa saba nga palibot hatud sa private videoke ug karaoke machines.
