TFD andam na sa ilang tahas nga magpahigayon ug scanning sa QR code

DAVAO CITY – Andam na ang mga sakop sa Task Force Davao (TFD) sa bag-ong tahas nga gisalig kanila sa lokal nga kagamhanan diin sila ang usa sa magpahigayon ug scanning sa mga QR code alang sa mga molatas sa mga checkpoint sa siyudad.

Sumala kang kang Task Force Davao Commander Col. Consolito Yecla, nga anaa sa 23  sa ilang mga sakop ang una ng gibansay sa lokal nga kagamhanan  ug andam na ang mga nahisgutan sa ilang mamahimong tahas nga magsugod karong Nobyembre 3, 2020.

Samtang una na sab nga gibutyag ni Col. Yecla nga ubay-ubay ka mga indibidwal nga gikan sa mga kasikbit nga lugar sa dakbayan ang wala nila gipasulod human nasayran nga Non–essential o dili importante ang ilang plano nga pagsulod dinhi sa dakbayan.