DAVAO CITY – Gipahibalo ni Atty. Geroncio Aguio, regional director sa National Commission on Indigenous People (NCIP) – 11 nga sirado ang ilang buhatan sugod kaniadtong Nobyembre 3 hangtud Nobyembre 6 kini aron magpahigayon ug disinfection sa ilang buhatan human nga usa sumala pa sa ilang personahe ang nagpositibo sa Corona virus disease (Covid-19).
Gikanayong wala nakuha ang nahisgutan nga kagaw sa ilang buhatan inay natakdan sumala pa ang ilang personahe sa lain nga lugar human kini mibiyahe.
Samtang gipasigarbo sab ni Aguio nga pabilin sumala pa nga Covid-19 free ang IP community ug posibleng ang ilang lig-on nga immune system ang nakatabang niini.
Gitataw sab sa opisyal nga wala unay ipahigayon nga face to face transaction sa ilang buhatan hangtud nga dili matapos ang disinfection.
