DAVAO CITY – Subling gitino ni Davao City Mayor Sara Z. Duterte nga dili pagihapon mamahimo nga maka-serve ang mga beerhouses ug ilimong makahubog sa ilang mga customers bisan nga gikatakda na nga tapuson ang liquor ban sa Setyembre 21.
Sumala sa Mayor nga ang mga beerhouses ang pabilin nga anaa sa “negative list” sa Department of Trade and Industry (DTI) sa mga ginadid-an nga mag-operate kalakip ang kids’ playrooms ug arenas alang sa sabong sa mga manok.
Hinuon gikanayon ni Mayor Inday nga ang mga establisyemento sama sa restaurants ug sing-along bars diin ang ilang mga primary product dili ang pag-serve ug mga ilimnong makahubog sa ilang mga customers ang mamahimo pa gihapon nga maka-operate.
Gikatakda sa Mayor nga magpagula ug executive order sulod karong semana dungan sa gikatakda nga pagtapos sa liquor ban nga gipatuman sukad Abril isip kabahin sa health protocols guminan sa coronavirus disease (Covid-19) pandemic.
Gitataw sab ni Mayor Sara nga ang lifting sa liquor ban dili tubag sa panawagan sa katawhan.
