DAVAO CITY – Gipa-ilalom sa house lockdown ang pipila ka mga pinoy-anan sa Barangay 5-A Bankerohan ning syudad human nag-positibo ang pipila ka mga residente niini.
SUbay sa kompirmasyon ni Barangay Captain Edgar Ibuyan, nag-positibo sa covid 19 disease abg upat ka mga miembro sa usaka pamilya sa Purok 6, Brgy 5-A ning syudad.
Sa karon nagpadayon pa ang contact tracing sa mga otoridad ilabi na sa mga tawo nga nahimong close contact sa nahisgutang pamilya.
Sumala ni Ibuyan, gipa-ilalom sa swab test niadtong milabay nga semana ang mga pasyente ug niadtong domingo mgawas ang resulta nga COVID positive sila.
Dugang pa ni Ibuyan, wala sumala pa masayud ang mga pasyente asa nila nakuha ang virus, apan sumala sa mga doktor posibleng nakuha kini sa gawas pinaagi sa local transmission.
Gikatakda usab nga ipa-ilalom sa swab test ang mga silingan sa mga pasyente nga ilang gikahimamat. Sa karon gidala na sa isolation facility ang nahisgutang pamilya.
