DAVAO CITY – Nanawagan karon ang lokal nga kagamhanan sa dakbayan sa Dabaw ngadto sa mga pasahero sa eroplano nga dili mga residente sa syudad.
Subay sa gipagawas nga notice sa lokal nga kagamhanan sa syudad sa dabaw, gisugyot niini sa mga non-Davao City air passengers nga dili pilion ang Davao Internatonal Airport isip ilang entry point paingon sa ilang tagsa-tagsa ka mga probensiya kung wala kini komuniskasyon tali sa ilang tagsa-tagsa mga LGUs aron ma-pick-up sa DIA o kaha uban pang transportation arrangements.
Tumong niini nga kalikayang ma-stranded ang mga taga dili dakbayan sa dabaw ug sa airport alang na usab sa kaayuhan sa mga nahisgutan.
Sa kasamtangan, nagbaton sobra ka limitadong mga rota gikan sa dakbayan sa dabaw paingon sa ubang mga probensiya ug rehiyon sa Mindanao.
Gikabutyag nga dili tiaw nga naapektuhan ang Inter-regional buses sa quarantine ug uban pang mga regulasyon nga gipatuman sa gobyerno gumikan sa Covid-19 pandemic.
