DAVAO CITY – Nahimong malinawon ang gipahigayon usab nga lihok protesta kagahapong adlawa sa freedom park ning dakbayan sa Davao sa pipila ka mga progresibong grupo diin ilang gipasibaw ang ilang kadismaya sa kasamtangan nga administrasyon.
Kahinumduman nga gilimitahan lamang sa kapulisan ug 50 ka mga indibidwal ang gihimong aktibidad sa mga militanteng pundok kini aron mamentina ang kaluwasan sa panglawas batok sa Covid-19 ug matuman ang guidelines ug health protocols sa mga mitambong sa rally.
Apan sa bahin sa progresibong grupo, gibutyag sa Bayan Muna southern Mindanao nga dismayado sila sa nahimong lakang sa kapulisan gumikan kay nakisawsaw sumala pa kini sa ilang mga aktibidad bisan pa man nga gihatagan sila ug kagawasan nga ipasibaw ang ilang mga buot nga ipadangat sa kasamtangang administrasyon.
