DAVAO CITY – Gikumpirma ni City Transport and Traffic Management Office (CTTMO) head Dionesio Abude nga sila ang naga-escort sa mga pasahero nga sakay sa sweeper flight sa higayon nga mobalik na kini sa ilang tagsa-tagsa ka mga lugar sa Davao region.
Gikan sa pagpasakay sa bus, istrikto nila nga gipatuman ang mga protocols diin kinahangalan nga moderitso gilayon ang mga nahisgutan sa ilang panimalay aron nga mopailalom sa home quarantine.
Kaabag sumala pa nila sa pagpatuman niini ang mga personahe sa kapulisan ug uban pang security unit.
Samtang gipasalig sab ni Abude nga human sumala pa nga mahatud sa ilang tagsa-tagsa ka mga lugar ang mga pasahero nga sakay sa sweeper flight, ipailalom gilayon sa disinfection ang mga bus ug dyip kini aron masiguro nga wala kini virus.
Tipik lamang kini human nga usa sa mga pasahero ang una ng nagpositibo sa Corona virus disease.
