DAVAO CITY – Gipahibalo ni Davao City Mayor Inday Sara Duterte-Carpio nga sama sa iyang nauna nga saad, gihatag na niya ang iyang usa ka tuig nga sweldo isip trust fund sa mga frontliners sa Southern Philippines Medical Center (SPMC) nga una nang nagpositibo sa Covid-19 human nga natakdan samtang anaa sa ilang pag-panerbisyo.
Sumala sa Mayor nga sa 12 ka mga health workers nga natakdan, nahatag na niya ang tig-P50,000 sa 11 niini samtang padayon sila nga nakiglambigit sa laing usa pa nga sa kasamtangan dili ma-contact.
Una nang gibutyag ni Mayor Inday nga ang iyang usa ka tuig nga sweldo nga kantidad sa kapin P2 milyon ang iyang himuon nga trust fund ilabi na nga dili lalim ug mabutang sa risgo ang kinabuhi sa mga health workers nga nag-atiman sa mga Covid-19 patients sa dakbayan.
