DAVAO CITY – Moabot na sa 10,818 gikan sa 16,413 ka mga Persons Under Monitoring (PUMs) ang gideklarang cleared gikan sa coronavirus disease sa Department of Health, samtang 5,593 usab ang pabilin pang gipa-ilalom sa istriktong home quarantine.
Hangtud kagahapong adlawa Abril 6, 2020 ang DOH Davao Center for Health Development naka-record ug kinatibuk-ang 16, 413 ka mga Persons Under Monitoring (PUMs) ug 493 Patients Under Investigation (PUIs).
Sa 493 nga PUIs, 402 niini ang tested negative ug na-discharged na, samtang dose usab ang namatay gumikan sa pre-existing medical conditions ug walay kalabutan sa COVID-19, samtang setentay nuebe usab ang pabiling under investigation ug nagpaabot pa alang sa ilang COVID-19 laboratory test result.
Sa setentay nuebe ka PUIs, trayntay otso ang na-admit sa Southern Philippines Medical Center(SPMC), baynte dos sa Davao Regional Medical Center, dese says sa La Diva Inn ug tulo sa Treatment and Rehabilitation Center (TRC) sa Malagos ning syudad.
Sa pikas bahin, gikompirma usab sa provincial government sa Davao de Oro ang second COVID19 positive case sa ilanbg probensiya.
Ang nahisgutang pasyente ang naggikan sumala pa sa munisipalidad sa Mawab ug kasamtangang na-admit sa Davao Regional Medical Center sa Tagum City.
