DAVAO CITY – Nagpadayon karon ang pahimangno sa lokal nga panggamhanan nga motamud sa mga lakang aron nga makalikay sa dengue.
Tipik lamang kini human nga misaka sumala pa ang kaso niini sa Davao region ngadto sa 95 porsyento kaniadtong Enero hangtud Disyembre 2019 nga anaa sa 43 ka kaso kung itandi sa milabay nga 2028 nga anaa lamang sa 22.
Sumala pa kang Department of Health (DOH) Davao Regional Dengue Control and Prevention Program manager Antonietta Ebol, ang dakbayan sa Davao ang adunay pinakataas sa mga namatay tungod sa maong balatian.
Nakatala sumala pa ang siyudad ug 25 ka nga namatay, gisundan sa Davao del Norte nga adunay pito, Davao del Sur adunay upat, Davao Oriental adunay tulo samtang ang Davao de Oro ug Davao Occidental susama nga nakatala ug duruha ka mga namatay.
Samtang ang DOH-Davao nakatala ug kinatibuk-ang 8,125 ka kaso sa rehiyon, Nag-una ang Davao nga adunay 4,257, Davao de Oro (1,362), Davao del Norte (1,128), Davao Oriental (985), Davao del Sur (321), ug Davao Occidental (72).
Sa milabay nga tuig 2018, ang health department nakatala ug 6,497. Ang 2019 data mas taas ug 26 percent kung itandi sa 2018 data.
Sa dakbayan sa Davao, ang DOH-Davao nakatala ug upat ka mga distrito nga adunay pinakadaghan ug kaso sa dengue.
Gilangkuban kini sa Buhangin nga adunay 626 ka kaso, Talomo North nga adunay 510 ka kaso, Talomo Central nga adunay 463 ka kaso, ug Agdao adunay 441 ka kaso.
