DAVAO CITY – Mitino ang ahensiya sa Department of Education (DepEd) 11 nga walay “standard attire” ang ipahigayon nga graduation sa mga tinun-an ilabi na sa mga pampublikong tulonghaan.
Tipik lamang kini human nga nagkaduol na sab ang pagtapos sa klase.
Kahinumduman nga adunay sugyot nga “sablay” na lamang ang gamiton gumikan kay mas barato kini ug dili na malisdan ang mga ginikanan apan adunay mga tinun-an ang mas buot pa gihapon nga toga ang ilang suoton aron nga mas mabati nila nga nakatapos na sila sa ilang pag-eskwela.
Hinuon gibutyag ni Jenielito Dodong Atillo, tigpamaba sa Department of Education (DepEd) 11 nga andam sila nga hisgutan ang suhestiyon kalabot sa paggamit ug Sablay nga maoy sagad gamiton sa mga state universities sama na lamang sa University of the Philippine (UP).
