DAVAO CITY- Gikatakdang magpahigayon ug re-assessment ug re-validation ang Department of Agriculture (DA) 11 ka mga areas sa Davao region nga una ng naapektohan sa pagkuyanap sa African Swine Fever (ASF).
Sumala pa kang Noel Provido, Public Information Officer (PIO) sa DA 11, nga kung matapos na ang re-assessment ug re-validation sa mga apektadong hog raisers, ila gilayon kini nga isumite ngadto sa DA national office aron nga mahatagan gilayon ug hinabang ang mga nahisgutan ilabi nga daghanang mga binuhing baboy ang gipailalom sa culling sukad nga natala ang unang kaso sa ASF sa Mindanao sa Don Marcelino Davao Occidental.
Nasayran sab kang Provido nga maggikan sumala pa sa Calamity Quick Responde Fund sa DA ang ihatag nga hinabang alang sa mga hog raisers nga apektado ang ilang mga binuhing baboy sa ASF.
Una ng nasayran sa DA nga aduna na matud pay gimugna karon nga anti-ASF vaccine sa Amerika nga posibleng dakong tabang aron nga mapugngan na ang pagkuyanap niini.
