DAVAO CITY- Subling gitino ni Ricardo Oñate, Regional director sa Department of Agrilcuture (DA) 11 nga bugtong ang mga baboy lamang sa usa ka barangay nga sakop sa 1 kilometer radius ang ipailalom sa culling o pagpatay sa higayon nga maapektohan kini sa African Swine Fever (ASF).
Samtang kadtong anaa sa 7 kilometers radius ang ipailalom sa hugtanon nga monitoring ug pagpatuman ug lockdown sa lugar samtang mamahimong pa nga makasulod ang mga baboy sa usa ka dapit nga sakop sa 10 kilometer radius apan kinahanglan nga aduna kini gihuptan nga igong permit o dokumento.
Tipik lamang ang pahayag sa opisyal aron nga mahatagan ug katin-awan ang publiko kalabot sa ipatuman nila nga protocol sa higayon nga mograbe mokuyanap kini sa uban nga lugar.
Gikanayon sab sa opisyal nga kalakip na sab sa ilang gipatawag nga meeting ang mga hog raisers nga gikan sa South Cotabato ug General Santos aron nga masayran niini ang ilang gihimo nga zoning map kung asa mamahimong makahatud ug karne ang mga lugar nga dili apektado sa ASF.
Pinaagi niini, dili sab maapektohan ang panginabuhian sa mga commercial hog raisers nga dili pa apektado sa maong disease.
