DAVAO CITY – Gibutyag sa Department of the Interior and Local Government (DILG) Davao nga aduna na silay listahan sa mga local officials ug business establishments nga mihatag sumala pa og suporta sa komunistang grupo sa Davao Region.
Sumala pa kang DILG-Davao director Alex Roldan nga gihatag sumala pa sa ilang buhatan ang listahan gikan sa Pangulo nga gi-undan sa tanan nga mga government officials, business establishments ug bisan mga empleyado sa gobyerno nga mitunol og revolutionary taxes sa komunistang grupo.
Nadawat sumala pa nila ang unang batch sa listahan sa milabay nga semana.
Ang gihatag sumala pa nga pondo sa mga NPA maoy gamiton sa nahisgutan nga grupo aron nga makapadayon sa ilang operasyon.
Gikanayon sab ni Roldan nga gi-verify pa nila karon ang listahan ug nakighinabi na sa pipila ka mga personalidad nga nalambigit nga gilangkuban sa mayor, vice mayors ug mga opisyal sa Barangay apan nagdumili kini nga hinganlan ang mga nahisgutan.
Nagbahad ang opisyal nga kung dili mohunong sa paghatag og suporta sa mga rebelde, mangayo na sila og pakitabang kang DILG Secretary Eduardo Año ug Pangulong Rodrigo Duterte aron lamang mahunong ang mga nahisgutan.
