DepEd XI nasumite na ang gikinahanglan nga budget alang sa subling pagtukod sa mga nadaut nga tulonghaan

DAVAO CITY – Gibutyag ni Evelyn Fetalvero, OIC-Regional director sa Department of Education (DepEd) 11, nga nasumite na nila sa kaulohan ang gikinahanglan nga budget alang sa subling pagtukod sa mga nadaut nga tulonghaan naapektohan sa kusog nga linog kaniadtong bulan sa Oktubre ning kasamtangan nga tuig.

Hinuon gibutyag sa opisyal nga dili pa nila mabutyag kung malakip kini sa mosunod nga National budget.

Una ng nasayran sa opisyal nga mikabat sa 344 ka mga tulonghaan ang apektado, 702 ang totally damaged samtang 417 ang Major Damaged.

Kahinumduman nga kadaghanan sa mga nadaut nga mga tulonghaan ang nahimutang sa lalawigan sa Davao del Sur.