DAVAO CITY – Pipila ka adlaw ayha ang paghinumdom sa adlaw sa mga patay o kalag-kalag, naka-high alert karon ang local law enforcement agencies ug security forces.
Sumala pa sa Task Force Davao (TFD) nga sugdan gilayon nila sa Oktubre 30 ang pag-deploy sa ilang mga sakop sa 19 ka mga nag-unang sementeryo ug memorial parks sa dakbayan nga mapatuman ang visibility patrols sa terminals, airports, seaports, ug uban pang mga lugar.
Gipasalig sa TFD ngadto sa mga pasahero nga milatas sa maong checkpoints nga makasinati sila ug convenient inspection area alang sa X-ray baggage machine ug metal detectors nga ipahimutang sa nagkadaiyang fixed checkpoints sa Lasang, Toril, ug Calinan.
Ipakatag sab ang Bomb-sniffing dogs and Explosive Ordinance Disposal (EOD) teams sa Davao City Overland Transport Terminal (DCOTT) aron masiguro ang seguridad sa mga pasahero.
Suportado sab sa Task Force Davao ang security plan sa Davao City Police Office (DCPO) sa pagpatuman ug seguridad sa mga parke ug sementeryo sa dakbayan.
