DAVAO CITY – Nagpahimangno ang otoridad batok sa mga nagpakatag ug sayop nga impormasyon nga mamahimong mapasakahan ug kaso ang mga nahisgutan kung mapatud-an nga guilty.
Una ng gibutyag ni Police Regional Office (PRO)-Davao spokesperson Police Major Jason Baria nga dili magpakatag ug sayop nga impormasyon kalabot sa istrikto nga pagpatuman No backpack, jacket ingon man pagdala ug mga dekolor nga canister.
Gitino ni Baria nga wala sumala pay nadawat nga direktang bahad sa seguridad ang rehiyon.
Dungan sa kasaulogan sa 34th Kadayawan sa Dabaw, nagpatuman karon ang otoridad ug full alert status gumikan sa pagdagsa sa mga bisita tali sa mga lokal ug langyaw nga buot makighiusa sa tinuig nga kapiyestahan.
Nagpahibalo na sab sumala pa sila sa publiko sa mga angayan ug dili angayan nga himuon panahon nga motan-aw sa mga aktibidad ilabi na ang pagdala ug backpacks gumikan kay mamahimo kini nga masudlan ug ekplosibo sama na lamang sa nahitabo sa Jolo, Sulu.
Nanawagan na lamang ang opisyal ngadto sa publiko nga likayan ang pag-post ug dili balido nga mga reports sa ilang social media accounts ug i-share ngadto sa ilang mga higala.
