DAVAO CITY – Balhug na sa bilanggo-an ang duha ka mga lalaki nga nangadakpan sa buy bust operation sa Sta. Ana Police Station ug nakuha-an ug kapin sa saisenta mil ka pesos nga kantidad sa shabu.
Kahinumduman nga naila ang mga dinakpan nga sila si alyas Raldolf Agnote alyas dupe, 24 anyos, Barista ug alyas Dave Garcia, 38 anyos, pulos mga residente sa Barangay 19-B, ning dakbayan ug napalitan sa nagtakuban nga police ug gikatahapan nga shabu.
Nasakmit gikan sa posisyon sa mga dinakpan ang lain duha ka mga pakete sa gikatahapang shabu, upat ka pakete nga gikatahapan nga dunay pinauga nga dahon sa Marijuana, ug usa ka bundle sa gituohang pina-una nga dahon sa Marijuana, lakip na ang usa ka cellphone nga gikatuohan nga ginagamit niini sa illegal nga mga transaksyon.
Gitataw sa Sta. Ana Police Station nga nahilakip ang duha sa drug watch list sa Sta. Ana Police Station.
Ang mga suspek ang nagabaligya ug illegal nga druga sa mga estudyante nga mga Indian national.
Ang nasakmit nga shabu gikan sa mga dinakpan nagtimbang ug dos gramos ug nagkantidad ug dies mil ka pesos, samtang ang Marijuana nga nakuha sa ilang posisyon mikantidad ngadto sa singkwenta mil ka pesos.
Gihikay na ang kasong kalapasan sa Republic Act 9165 kon Comprehensive Dangerous Drug Act of 2002.
