Ama-ama nga maka-20 ka higayon nga milugos sa iyang anak-anak gikasohan na

DAVAO CITY   –  Napasaka na ang kasong lugos pinaagi sa inquest proceedings batok sa ama-ama nga milugo sa iyang stepdaughter sa makadaghan nga higayon.  

Sumala pa kang Police Captain Roy Mateo, sa Buhangin Police Station nga gihulat na lamang nila karon ang court order aron nga mabalhin ang suspek ngadto sa Maa City Jail.  

Kahinumduman nga Grade 7 ang stepdaughter nga biktima ug residente sa Barangay Buhangin Proper, ning dakbayan sa Davao. 

Si alyas Roger, 41 anyos, walay trabaho,  gidakop sa kapolisan sa iyang balay sa San Vicente, Buhangin, ning dakbayan. 

Kahinumduman nga sa impormasyon nga nahi-abot sa Buhangin Police Station human ang biktima mitug-an sa iyang magtutudlo kalabot sa pagkalugos kaniya sa suspek. 

Nagpoyo ang biktima uban sa suspek gumikan kay ang inahan niini tua manarbaho sa gawas sa nasod. 

Bisan pa sa pagkalugos kaniya,  nahadlok ang biktima sa pagtug-an ngadto sa mga otoridad  gumikan kay ang iyang ama-ama nagbahad sa pagpatay kaniya ug dili paghatag sa iyang school allowance.