DAVAO CITY – Balhug sa bilanggo-an ang usa ka mag-uuma human nga nagmaoy kini ug dunay gihasi sa ilang lugar.
Sa pasi-unang imbestigasyon sa kapolisan nasayran nga ang suspek nga naaresto karon sa kapolisan ug kasamtangan nga nabalhug sa bilanggo-an naila nga usa ka Rogelio Clarito Gonzaga, 59 anyos, mag-uuma, residente sa Purok Chiko, Barangay Lower Bala, Magsaysay, Davao del Sur.
Nadakpan kini mga 7:30 kagabii ug nakuha gikan kaniya ang usa ka Caliber 5.56 caliber nga bala nga unod sa single shot nga armas ug duna pa’y laing lima ka mga bala nga nakuha gikan sa iyang bulsa.
Nasakmit sab sa iyang posisyon ang dose pulgadas nga kutsilyo.
Nasayran sa mga otoridad gikan sa silingan sa suspek nga usa ka Susan Gonzaga Balabarba diin mi-adto kini sa pinoy-anan sa iyang amahan aron sa paglalog sa iyang binuhi nga baboy, apan mi-abot ang suspek nga usa Rogelio Gonzaga ug mibitbit sa iyang armas ug gihuraw si Susan gumikan sa daan nila nga panagbangi.
Sa kalisang ni Susan dali kini nga nakiglambigit sa mga barangay official sa lugar ug sa mga Barangay Tanod, hinongdan nga mitawag sab sila ug police assistance ug mi-responde ang mga sakop sa Philippine National Police sa lugar nga gipangunahan ni Police Staff Sergeant Deonzon Mata ug nadakpan ang suspek ug nakuha ang usa ka single shot nga M16 mga bala niini ug duna pa’y kutsilyo.
Wala’y napakita nga legal nga mga dokumento ang suspek sa mga armas nga nahuptan niini hinongdan nga nag-atubang sa kasong kalapasa sa Rpublic Act 10591 o illegal possession of firearms, ug kasong possession of deadly weapon, ug grieve threat gumikan sa iyang paghasi sa usa ka Susan Malabarbas.
Nabalhug na karon ang suspek sa Magsaysay Police Station.
