DAVAO CITY – Gihangyo ni Talaingod Municipal Mayor Jonnie Libayao ang Department of Education (DepEd) Talaingod District nga did-an una ang mga magtutudlo nga mulugsong sa ilang area gumikan sa bahad nga “Pangayao”.
Sigon sa alkalde, seryoso ang bahad nga iyang nadawat nga text message busan dali kining nagpahigayon ug pulong tali sa mga kadagkuan sa DepEd, Talaingod PNP, Armed Forces of the Philippines kalabot sa maong isyu.
Nagtuo ang alkalde nga gikan sa usa ka IP ang mensahe busa gihatag niya kini ug pagtagad alang sa kaluwasan sa mga magtutudlo.
Posible sab matud pa nga gikan sa ubang Ata Manobo rebel leaders nga hangtud sa pagkakarun nagpabiling dumadapig sa Salugpungan luyo sa pagbalik ni Datu Guibang Apoga sa balaud ang bahad.
Buot karun ni Libayao nga makuha ang kasiguraduhan gikan sa mga tribal leaders sa mga hilit nga dapit arun protektahan ang mga magtutudlo sa DepEd nga nagtudlo sa ilang mga komunidad.
Nasayran nga lakip sa mga lugar nga gidid-an una nga lugsungan sa mga magtutudlo mao ang Sitio Pongpong ; Sitio Dulyan; Sitio kilometer 31 nga pulos gikan sa Brgy Dagohoy; sitio Lomondong sa barangay Dagohoy nga boundary sa Kapalong; Sitio Dalingding at Sambulongan ng barangay Palma Gil.
