PRO Eleven Director
DAVAO CITY – Dakpan ug nahulog sa kamot sa mga tinugyanan sa balaod ang giila nga most wanted person sa national level sa pagkalambigit sa kidnap for ransom sa gipahigayong operasyon sa Talaingod, Davao del Norte ning milabayng adlaw.
Sa impormsyon sa Police Regional Office (PRO) XI giila ang dinakpan nga usa Richard Gulfan Orayan, 43-anyos, residente sa nahisgutan nga dapit.
Si Orayan gidakop sa joint operation sa Talaingod Municipal Police Station, Regional Intelligence Unit 5, ug Criminal Investigation Detection Group (CIDG) Camp Crame pinaagi sa warrant of arrest sa kasong Kidnapping nga giisyu sa Regional Trial Court Branch 48, 5th Judicial Region, sa Masbate City.
Sumala pa nga ang dinakpan nalambigit sa pag kidnap nila ni Enrique Carlos niadtong October 2005; Anton Yang Jr. niadtong February 2006; Santos Nang niadtong April 2006; Josuha Ferias niadtong January 2006; Jasmin Perez niadtong December 2006; Kenneth Mark Jade Reyes niadtong November 2006; ug Reynaldo Santillan niadtong December 2008.
Si Orayan miyembro matud pa sa Pepino Kidnap for Ransom Group nga nagsilbing abductor, guard ug tipster.
Sa pikas bahin nagbutyag si Police Brigadier General Marcelo Morales nga nagkanayong nga gisieguro nila nga lawas ang mga sibilyan atol sa gilusad nga operasyon ug gipaneguro sab nila nga dili mahimong dangpanan ug tagu-anan sa mga tawong pinangita sa balaod ang Region Eleven.
Giawhag sab ni Morales ang katawhan nga makig-alayon sa kapolisan kon dunay mamatikdan nga kadudahang personalidad o aktibidad sa ilang matag lugar.
