DAVAO CITY – Masaligon si Davao City Councilor Conde Baluran, Chair sa Committee On Transportation and Communication sa ika-19 nga Konseho nga hingpit nga mapalig-on ang implementing rules and regulation alang sa pagdili na sa hingpit nga paghimong parking area sa mga kadalanan sa dakbayan sa Davao.
Sumala pa kang Baluran nga gihingusgan niya ang susamang nga lakang aron nga katabangan nga masulbad ang paggout sa dagan sa trapeko sa dakbayan, diin malisdan ang pag-agi sa nagbiyahe nga mga sakyanan gumikan sa mga naga-illegal parking.
Gitataw sa nahisgutan nga konsehal nga human unya niini mopatawag sila ug committee hearing uban sa mga dealer sa sakyanan.
Kalakip sa mga sumbanan nga ipatuman mao ang dili pagbaligya ug sakyanan sa mga tawo nga wala’y kaugalingon nga garahi-an.
