DAVAO CITY – Nakatala ang Davao City Police Office (DCPO) ug 66 percent nga pag-ubos sa crime rate sulod sa upat ka tuig dinhi sa siyudad nga anaa sa 2,311 sa unang tunga nga bahin sa 2019 kung itandi sa unang first semester sa 2015 nga anaa sa 6,869 crime volume.
Sumala pa kang DCPO director Alexander Tagum nga dakong tabang sa pag-ubos sa crime rate sa Davao City gikan sa 2015 hangtud ning panahona ang mga nagkadaiyang anti-criminality programs ug mga inisyatibo sa siyudad.
Gikanayon sab ni Crime Registrar Police Staff Sergeant (PSSg) Edilyn Presscy Mandi Morillo nga ang deployment sa foot ug mobile patrols ang nakatampo sab ug dako sa pag-ubos sa natalang krimen ingon man ang kanunay nga suporta gikan sa lokal nga panggamhanan sa ilang mga ginapatuman nga mga programa.
Kaninumduman nga kaniadtong 2017, gipatuman sa kapulisan ang Oplan Integrated Revitalized Operation of Neighborhood-Watch for the Mega City (Iron City) diin nang-recruit ang siyudad ug 910 auxiliary cops kini aron nga mapakusgan pa ang police visibility.
Gumikan sab sumala pa sa gipahugtan nga operasyon ingon man information, education, and communication campaign, mas sayod na matud pa karon ang publiko sa mga balaod hinungdan nga mahadlok na kini nga mohimo ug mga salaod.
