DAVAO CITY – Hugtanon nga gipanghimakak ni Davao city Mayor Inday Sara Duterte ang migula nga sugilanon sa Rappler niadtong 2016 nga mikutlo sa pahayag ni Pangulong Rodrigo Duterte nga nagkanayon nga nabuang ang nabuang ang mayor gumikan kay bout niini nga panag-iyahon ang sakyanan nga gihatag ni Pastor Apollo Quiboloy. Sumala ni Mayor Inday nga wala gayud kini mahitabo.
Wala sumala pa siya makakita ug Expedition vehicle nga gika-ingong gikan kang Pastor Quiboloy. Nagduda si Mayor Inday nga posibling laing tawo ang gipasabot sa pangulo sa gilitok niini nga ngalang Inday.
Posible sumala pa nga atol sa maong panahon, diin si Pangulong Rodrigo Duterte, Mayor pa lamang sa Davao niadtong Mayo 2016, usa lamang ka pasiaw, nga sagad iyang ginabungat atubangan sa mga sakop sa media.
Ang problem kay gikobit ra sab dayon sa mga sakop sa media nga wala na’y masubay sa kamatuoran niini.
Gitaho kini nga sama sa tinuod ug seryoso nga impormasyon.
Ang sugilanon tataw nga usa ka journalistic mishap ug dili manggi-angayon ug nakadaut sa pagkatawo sa mayor nga mao ang ginganlan sa balita, nga kalikayan unta kung ang tagsulat mihimo pa ug tukma nga pagberipika.
